MUQDISHO (DAYNIILE.COM)-Saraakiil uu hgaaminayo Madaxa wacyi-gelinta Ciidanka Dhulka Xidigle Taliye Sheekh Abuukar Macalin Maxamuud ayaa booqdeen shalay Dugsiga Tababarka ciidamada ee Jen,Dhaga-badan ee Magaalada Muqdisho.
Wafdigaan waxaa xerada tababarka ku soo dhaweeyay Taliyaha Guutada 14-ka Okobar Taliye Nuur Fareey iyo boqolaalka ciidan ee tababarku u socdo.
Wadaadka Sheekh Abuukar oo caan ku ah inuu ciidamada u wacdiyo si diiniyan ah ayaa u sheegay ciidamada inay waajib ku tahay adeecida awaamiirta madaxdooda sida taliyayaashooda iyo kuwa ka sii sareeya sidoo kale wuxuu u sheegay inay waajib ku tahay inay ogaadaan oo la socdaan inay xaaraan tahay daroogada maanka doorisa nuuc kasa ay tahay.
“amarada madaxdiina inaad fulisaan sow diyaar uma tihiin,Salaada inaad tukadaan sow diyaar uma tihiin,inaad Alle ka baqdaan sow diyaar uma tihiin,waxaad la dagaalaysaan dad diin sheeganaya oo hadana aan diin shaqo ku lahayn”ayuu yiri Sheekh Abuukar
wuxu ku booriyay inay qaataan oo fuliyaan wax kasta oo awaamiir ah oo kaga yimaada dhanka taliyayaashooda.
XAFIISKA WARARKA
DAYNIILE.COM
