MUQDISHO (DAYNIILE.COM)-Magaalada Muqdisho waxaa ka furmaya Wajiga 2-aad ee wada-hadallada doorashooyinka xili maanta ay si gaar ah isu wajahayaan Guddiga Farsamada ee matalaya Xisbiga Nabad iyo Nolol ee Madaxweynihii hore Farmaajo iyo Gudiga dhanka ka socda dhanka Dowlada Faderaalka Somalia.
Kulanka maanta oo ay dhex dhexadiyayaal ka yihiin Turida iyo Beesha Caalamka ayaa lagu wadaa ama la rajeynayaa in si weyn la isugu fahmo lagana soo saaro natiijo lala wadaagi karo warbaahinta.
Gudiga dhanka Nabad iyo Nolol ayaa laga soo xigtay inay shirka socda ku soo bandhigi doono aragtidooda ku saabsan nooca doorasho ee Soomaaliya ka qabsoomi karta iyo shuruudaha lagama maarmaanka u ah hirgelinteeda.
Kooxda Nabad iyo Nolol waxay sidoo kale xuseen in wada-hadalladu ku saleysan yihiin aragtida madaxweynihii hore Maxamed Cabdullaahi Farmaajo ee ku aaddan in wadajir iyo is-afgarad looga gudbo xaaladda siyaasadeed ee dalka.
XAFIISKA WARARKA SIYAASADA
DAYNIILE.COM
