MUQDISHO (DAYNIILE.COM)-Waxaa isasoo taraya warar dheeraad ah oo ka soo baxaya haweneydii la sheegay inay ninkeeda dishay iyadoo ehelkuna wareysiyo bixiyeen.
Wararka ugu xoogan ee soo kordhay ayaa ah in gacan sedexaad ay jirto oo ku lug leh dilka ninka askariga ah.
Warar laga helay ehalada ayaa sheegaya in ninkaan isagoo daacad ah uu guursday dhawaan haweeneydaan hada la leeyahay iyadaa dishay balse waxaa jira shirqool salka ku haya maxlal.
Nin hore u qabi jirey ayaa la sheegay kaliya inuu rabay in loo maxlalo kadibna uu ku laabto waxaana la waday haweeneyda hada la leeyahay ninkeeda ay dishay .
Waxaa jira warar sheegaga xitaa inay isu hanjabeen intuu noolaa ninka maanta la dilay iyo midka hore u qabay.
Si kastaba waxay ehalada ninka aaminsan yihiin in wiilkooda la isla dilay oo aysan maxquul ahay inay askari tababaram kaligeed inta ceejiso dili karto.
Haweeneyda sheekada kala furfuri karta rruntana kuna eedeysa inay ninkeeda dishay ayaa xiran waxayna u badan tahay inay runta sheegto markaasna la soo wada xiri doono cid kasta oo farta ay ku fiiqdo.
XAFIISKA WARARKA
DAYNIILE.COM
