Xildhibaanadda reer Greece ee baarlamanka Midowga Yurub, Eva Kaili, ee ay kusoo baxday fadeexadda la xiriirta Qatar, “kama war hayn jiritaanka” lacagta kaashka ah ee laga helay gurigeeda, waxaa sidaas AFP u sheegay qareenkeeda.

Qareenka Kaili ayaa sheegay “inaysan wax galabsan” wuxuuna beeniyey “wararka beenta ah ee la isla dhex-marayo” ee ku saabsan inay laaluush ka qaadatay Qatar.

Xildhibaanka, oo shalay laga qaaday xilkii madaxweyne ku-xigeenka baarlamanka Midowga Yurub “wax xiriir ah lama lahan lacagta gurigeeda laga helay,” ayuu yiri qareenkeeda Michalis Dimitrakopoulos kadib markii ay xireen booliska kadib baaritaan ka dhacay magaalada Brussels.

Wuxuu sheegay in Francesco Giorgi oo ah lamaanaheeda “uu ka jawaabi karo jiritaanka lacagta kaashka ah.”

Kaili, oo 44 jir ah, ayaa ka mid ah lix qof oo la xiray kadib howlgalka booliska, hase yeeshee waa xildhibaanka kaliya ee illaa hadda dacwadda lagu soo oogay.

Ilo-wareedyo ka tirsan garsoorka Belgium ayaa sheegay in qiyaastii 150,000 euro oo kaash ah laga helay apartment ay ka degan tahay magaalada Brussels ee xarunta Midowga Yurub.

Xildhibaanada Golaha Baarlamanka Midowga Yurub ayaa Talaadadii codeyn ah 625-1 ku meel-mariyey in Kaili laga qaado xilka madaxweyne ku-xigeenka.

Garsoore Belgium ah ayaa maanta go’aan ka gaari doonaa haddii Kaili iyo saddexda qof ee lala eedeeyey ay xabsi kusii jiri doonaan illaa maxkamad laga soo taagayo. Laba ka mid ahaa lixda eedeysane ayaa lasii daayey.

Dowladda Qatar, oo lagu eedeeyey inay xildhibaanada u siisay lacagta si ay saameyn ugu yeelato go’aanada Midowga Yurub, ayaa beenisay inay wax lug ah ku leedahay kiiskan ama ay khalad sameysay.

AFP

 

Office Nairobi Kenya

 

LEAVE A REPLY

Please enter your comment!
Please enter your name here