Wararkii Ugu danbeeyey Qaraxii Saakay ka dhacay magaalada Muqdiaho

0

Waxaa saakay qarax xoogan oo ismiidaamin ah uu ka dhacay afaafka hore ee dekadda magaalada Muqdisho gaar ahaan xarunta laanta Canshuuraa ee loo yaqaan Turubataariyada.

Qaraxan ayaa loo adeegsaday gaari waxyaabaha qarxa laga soo buuxiyay oo nuuciisa lagu sheegay Surf, gaarigan ayaana ku qarxay darbiga xarunta Laanta canshuuraha Booliiska ee kutaala banaanka dekadda .

Inta la xaqiijiyay qaraxan waxaa ku dhintay ruuxii waday gaariga waxyaabaha qarxay laga soo buuxiyay, waxaa sidoo kale la sheegay in qaraxa ku dhaawacmeen afar askari oo katirsan booliiska.

Goobjooge ku sugan goobta uu qaraxu ka dhacay ayaa Warbaahinta u sheegay in gaariga qarxay xili uusan gaarin albaabka xarunta Turubataariyada, waxa uuna xusay in qaraxan uusan ka dhalan khasaaro badan.

Laamaha amaanka dowlada Soomaaliya ayaan wali ka hadlin qaraxan xoogan ee saakay ka dhacay magaalada Muqdisho iyo khasaaraha ka dhashay, waxaana saraakiisha booliiska sheegeen in warbaahinta dib uga faah faahin doonaan qaraxa.

Qaraxan saakay ka dhacay magaalada Muqdisho ayaa imaanaya xili magaalada bilihii ugu dambeeyay ka nasatay qaraxyada ismiidaaminta ah, waxaana qaraxan saakay ahaa mid jugtiisa si weyn looga maqlay Muqdisho cabsi badana ku beeray shacabka.

  

Untitled Document

Ka dhageyso Muxaadaro cusub TEL 001 6057813292

MUXAADARO CUSUB Live UK TEL 03306060934

Fadlan Hadii aad u baahantahay Macluumaad dheeraad ah naga la soo Xiriira.

Email: dayniilecom8@gmail.com

TEL 00254714116520

LEAVE A REPLY

Please enter your comment!
Please enter your name here