XIGASHO KOOXDA.COM
Haddii cadaadiska iyo qeylada taageerayaashu sii xoogaystaan, Liverpool waxaa laga yaabaa inay ku qasbanaato inay tallaabo qaaddo. Qoraalka ayaa markaas soo bandhigay afar tababare oo beddeli kara Arne Slot haddii xaaladdu halkaas gaarto.
Saaxiibka ay isku waddanka yihiin Xabi Alonso, ee ah Andoni Iraola, ayaa lagu tilmaamay musharraxa ugu fiican ee xiga ee ay heli karto Liverpool.
Tababaraha 43 jirka ah ayaa la filayaa inuu ka tago AFC Bournemouth dhammaadka xilli ciyaareedkan, waxaana weli uusan go’aan ka gaarin tallaabada xigta ee mustaqbalkiisa, taasoo albaabka u furaysa Liverpool haddii ay go’aansato inay beddesho tababaraha.
Andoni Iraola
Iraola wuxuu noqday tababare si weyn loo qaddariyo kadib markii uu si weyn u horumariyay Bournemouth, inkastoo kooxdiisa marar badan laga qaaday ciyaartoy muhiim ah oo ay qaateen kooxaha waaweyn ee Yurub. Sidaas darteed, waxaa loo arkaa inuu mudan yahay fursad uu ku maamulo koox weyn, inkastoo keenistiisa Liverpool loo arki karo khatar yar maadaama kooxda ay tahay koox heer sare ah.
Bournemouth, oo wali fursad u leh inay u soo baxdo UEFA Champions League xilli ciyaareedkan — xitaa laga yaabo inay ka sarreyso Liverpool — waxay noqotay koox weerar badan oo firfircoon ku ciyaarta hoos yimaada Iraola.
Wasiirka Gaashaandhigga XFS, Mudane Axmed Macallin Fiqi, ayaa maanta xafiiskiisa ku qaabilay Safiirka Jamhuuriyadda Turkiga u fadhiya Soomaaliya, Mudane Alper Aktaş, oo uu weheliyo Taliyaha TÜRKSOM, Sarreeye Gaas Sebahattin Kalkan, iyo saraakiil sar-sare oo kale.
Labada dhinac ayaa ka wada hadlay xoojinta iskaashiga milatari ee Soomaaliya iyo Turkiga, dardargelinta hawlaha socda, gaar ahaan; tababarrada ciidamada, taageeridda dhismaha awoodda difaaca, iyo horumarinta xiriirka istiraatiijiga ah ee labada dal.
Wasiirka Gaashaandhigga ayaa uga mahadceliyay Dowladda walaalaha ah ee Turkiga doorka hagar la’aanta ah iyo garab istaagga ay siiso Dowladda iyo shacabka Soomaaliya, isagoo si gaar ah u xusay kaalintooda la dagaallanka argagixisada, tayaynta ciidanka iyo guulaha wadajirka ah ee laga gaaray iskaashiga ka dhexeeya Soomaaliya iyo saaxiibada caalamka oo ay ka mid tahay dawladda Turkiye.
Sidoo kale, Wasiirka ayaa xusay inay jiraan kooxo cadow ku ah dowlad dhiska Soomaaliya oo dhibsanya xiriirka labada dal ee sii xoogeysanaya iyo iskaashiga istiraatiijiga ah ee ka dhexeeya Soomaaliya iyo Turkiga.
Qaab ciyaareedkiisa cadaadiska sare leh ayaa la sheegay inuu dib ugu soo celin karo xiisihii uu Mohamed Salah tabayay tan iyo bixitaankii Jürgen Klopp.
Iraola sidoo kale wuxuu leeyahay rikoor wanaagsan oo ku saabsan horumarinta ciyaartoyda. Ciyaartoy sida Milos Kerkez, Dean Huijsen, Antoine Semenyo, iyo Dominic Solanke ayaa tusaale u ah ciyaartoy uu horumariyay oo markii dambe lagu iibiyay lacag badan.
Khibraddiisa Premier League-ga ayaa sidoo kale Liverpool u noqon karta faa’iido weyn, maadaama uusan u baahnayn waqti uu kula qabsado tartanka adag ee kubadda cagta Ingiriiska.
Julian Nagelsmann
Julian Nagelsmann ayaa sidoo kale kamid ah tababarayaasha lala xiriirinayo Liverpool, inkastoo ay jiri karaan caqabado ku xeeran heshiis kasta oo suurtagal ah.
Tababaraha 38 jirka ah ayaa xagaagan hoggaamin doona Germany tartanka Koobka Adduunka, mana diyaar noqon doono ilaa tartanku dhammaado — haddii uuba suuqa tababarayaasha soo galo.
Si kastaba ha ahaatee, waxaa jirta sabab ay Bayern Munich iyo xulka Germany ugu aamminsan yihiin Nagelsmann. Inkastoo uu wali ku jiro da’da 30-meeyada, wuxuu leeyahay khibrad badan iyo maskax xeeladeed oo si weyn loo qaddariyo.
Ka hor inta uusan aadin Bayern Munich, Nagelsmann wuxuu shaqooyin cajiib ah ka qabtay TSG Hoffenheim iyo RB Leipzig.
Waxaa sidoo kale la aaminsan yahay in si adag looga eryay Bayern Munich, maadaama uu kooxda ku hoggaamiyay hanashada Bundesliga xilli ciyaareedkiisii ugu horreeyay, isla markaana uu badiyay 71% kulamadii uu maamulay tartamada oo dhan.
Si layaab leh ayaa shaqada looga ceyriyay labo bilood kahor dhammaadka xilli ciyaareedkiisii labaad.
Mid kamid ah dhibaatooyinkii ugu waaweynaa ee Nagelsmann ayaa ahaa jawiga qolka labiska, iyadoo qaar kamid ah ciyaartoyda waaweyn ay kasoo horjeesteen, taasoo adkaysay inuu xakameeyo xaaladda.
Si kastaba, dad badan ma aysan filayn in waqtigiisa Bayern uu si degdeg ah ku dhammaan doono, maadaama kooxda ay natiijooyin wanaagsan ka gaareysay garoomada intii uu joogay.
Cesc Fàbregas
Chelsea waxay u jeesatay ciyaaryahan hore uga tirsanaa Liverpool si ay ugu raadiso guulo, halka Liverpool-na laga yaabo inay iyaduna ka fikirto ciyaaryahan hore uga tirsanaa Chelsea oo ah Cesc Fàbregas.
Fàbregas muddo dheer waxaa loo arkayay tababare soo koraya oo mudan in la ilaaliyo, waxaana sumcaddiisa sii xoojisay shaqada cajiibka ah ee uu ka qabtay kooxda Talyaaniga ee Como 1907.
Inkasta oo uusan weli lahayn taariikh tababarenimo oo aad u dheer, waxa uu ka sameeyay Como ayaa si weyn loo amaanay. Markii uu qabtay kooxda cusub ee usoo dalacday Serie A bilowgii xilli ciyaareedka 2024–25, tababaraha 39 jirka ah wuxuu ka badbaadiyay inay horyaalka ka harayaan, isagoo ku dhammeeyay kaalinta 10-aad — arrin dad badan ka yaabisay.
Xilli ciyaareedkan 2025–26, Como waxay sameyneysaa wax ka sii wanaagsan, iyadoo hadda ku jirta kaalinta shanaad isla markaana wali fursad u leh inay usoo baxdo UEFA Champions League.
Qaabka daggan ee nidaamsan ee Fàbregas ayaa si weyn ugu shaqeeyay Como. Kooxdiisu waxay hoggaamineysaa Serie A dhinaca kubad heysashada iyo clean sheets-ka xilli ciyaareedkan.
Ciyaaryahankii hore ee FC Barcelona iyo Arsenal ayaa marar badan muujiyay aqoon xeeladeed sare, isagoo ka dhigay kooxdiisa mid aad u adag in la jebiyo, isla markaana qurux badan marka ay weerarka u dhaqaaqeyso.
Kaliya Inter Milan ayaa celcelis ahaan dhalisa goolal ka badan Como.
Si kastaba, kooxdiisu ma ciyaarto cadaadiska xawliga badan leh ee ay isticmaalaan Bournemouth ee Andoni Iraola ama Liverpool ee Jürgen Klopp. Halkii, waxay door bidaan difaac dhexe iyo inay si dulqaad leh u doortaan goorta ay cadaadiska saarayaan.
Si kastaba ha ahaatee, Fàbregas wuxuu caddeeyay inuu yahay tababare xeelad ahaan dabacsan oo awood u leh inuu kordhiyo tamarta iyo xawaaraha ciyaarta haddii loo baahdo.
Waxaa laga yaabaa inay weli degdeg tahay inuu hadda qabto koox weyn sida Liverpool, balse Fàbregas waxaa loo arkaa tababare ku socda waddada guusha weyn.
Sebastian Hoeneß
Doorasho ay taageerayaasha kubadda cagta casriga ah jecel yihiin oo lagu beddeli karo Arne Slot ayaa ah Sebastian Hoeneß, kaasoo si dhab ah loogu tixgelinayo shaqooyinka waaweyn ee Yurub.
Tababaraha 44 jirka ah ee koofiyadda caanka ku ah ayaa dhistay sumcad weyn isagoo noqday mid kamid ah tababarayaasha ugu xiisaha badan Yurub. Kadib shaqo uu kasoo qabtay TSG Hoffenheim isagoo kamid ahaa kuwii beddelay Julian Nagelsmann, Hoeneß wuxuu si weyn uga dhex muuqday shaqadiisa VfB Stuttgart.
Stuttgart waxay ku jirtay kaalinta ugu dambeysa Bundesliga markii Hoeneß yimid, balse wuxuu kooxda ka badbaadiyay inay horyaalka ka dhacdo isagoo kusoo bixiyay ciyaaraha play-off-ka.
Kadib, kooxda si weyn ayay u kacday, iyadoo kasoo booday kaalinta 16-aad ilaa kaalinta labaad xilli ciyaareedkii xigay, taasoo u suurtagelisay inay dib ugu laabato UEFA Champions League.
Inkasta oo qaab ciyaareedka horyaalka uu yara hoos u dhacay xilli ciyaareedkii dambe sababo la xiriira isku darka tartamada Yurub iyo gudaha, haddana ku guuleysiga DFB-Pokal wuxuu ahaa guul weyn oo kale oo uu horkacay Hoeneß.
Xilli ciyaareedkan, Stuttgart waxay mar kale ku dhammaatay kaalinta afraad, iyadoo sidoo kale gaartay final-ka koobka Germany.
Waxyaabaha ugu waaweyn ee lagu yaqaan guushiisa ayaa ah kubad weerar toos ah leh, shaqo adag iyo cadaadis xooggan (pressing). Stuttgart waxay si adag u cadaadisaa kooxaha kasoo horjeeda, waxayna si degdeg ah dib ugu wareejiyaan kubadda weerarka, taasoo ka dhigaysa mid kamid ah kooxaha ugu fiican weerarka Bundesliga.
Kaliya Bayern Munich ayaa dhalisay goolal ka badan 71-ka gool ee Stuttgart ka dhalisay Bundesliga xilli ciyaareedkan.
Tababare si cad uga dhiirrigeliyay fikradaha pressing-ka ee Jürgen Klopp ayaa laga yaabaa inuu noqdo xalka ugu habboon ee Liverpool.
XIGASHO KOOXDA.COM
