Sida goor dhaw lagu shaaciyay warbaahinta Dowlada Ciidamada Xoogga Dalka Soomaaliyeed, Qeybta 43-aad iyo Kumaandooska Danab ayaa howlgallo ka dhan ah Khawaarijta ka wada deegaanno hoostaga degmada Jamaame ee Gobolka Jubbada Hoose, iyadoo halkaas jab culus lagu gaarsiiyey cadowga Khawaarijta ah.
Ciidamada ayaa howlgalkaas ka fuliyey deegaannada kala ah; Muuse Xaaji, Araare, Koban, Bangeeni, Maleyleey, Baladu-raxma iyo Degeyga Maam-bile oo hoos taga degmada Jamaame, iyadoo jab culus la gaarsiiyey, lagana saaray Khawaarijta deegaannadii ay ku dhuumaaleysanayeen.
Howlgalka waxaa barbar socday duqeymo ay fuliyeen Ciidamada Qaranka, waxaana la burburiyey dhammaan goobihii ay Khawaarijtu uga dhuumaaleysanayeen aaggaas, Saraakiisha Xoogga Dalka ayaa sheegay inay weli sii baacsanayaan firxadkii Khawaarijta lagu jebiyey howlgalka ka socda aagga degmada Jamaame.
