XIGASHO LAACIB.NET
XIGASHO LAACIB.NET
Manchester United ayaa guul qiimo leh ka heshay kooxda Brighton kadib markii ay 4–2 ku garaaceen kulan ka tirsanaa wareegga 9-aad ee Premier League, ciyaar ka dhacday garoonka Old Trafford.
United ayaa hoggaanka qabatay daqiiqaddii 24-aad kaddib markii Matheus Cunha uu shabaqa soo taabtay, halka Casemiro uu goolka labaad ku daray daqiiqaddii 34-aad, taasoo ciyaarta ka dhigtay 2–0 qeybtii hore.
Qeybtii labaad, Bryan Mbeumo ayaa goolka saddexaad u dhaliyay Manchester United daqiiqaddii 61-aad, ka hor inta uusan Danny Welbeck gool usoo celin Brighton daqiiqaddii 74-aad.
Daqiiqadihii dheeraadka, Brighton ayaa mar kale yareysay farqiga iyadoo uu u dhaliyay gool Kostoulas daqiiqaddii 90+2, balse United ayaan u oggolaan soo laabasho, iyadoo Mbeumo uu mar kale shabaqa soo taabtay daqiiqaddii 90+6 si uu u dhameystiro guusha.
Guushan ayaa Manchester United ka dhigtay inay yeelato 16 dhibcood, taasoo gelisay kaalinta afaraad, halka Brighton ay ku hartay 12 dhibcood iyagoo haatan jooga kaalinta 11-aad.
XIGASHO LAACIB.NET
