Wasiirka cusub ee maalin ka hor Ra’iisulwasaare Xamza u soo magacaabay Wasiirka Shaqada Somalia ayaa eedii ugu ba’nayd waxay kaga timid Nabadoon sheegay inuu la Wasiirka cusub la dhashay oo ay ilama adeer yihiin.
Nabadoon Ibraahim Cabdi (Ibraahim Kuusow) oo wareysi siiyay Danan TV ayaa sheegay in Professor Saalim Caliyow Ibrow uu tan iyo siyaad barre kadib soo qabtay ilaa 18 jeer xilka wasiirka iyo xildhibaanimo intaba uusan waligiis dadkiisa iyo deegaankiisa waxba u qaban.
“Professor Saalim Caliyow waxa uu kursiga beesha ku matalayay muddo 20 sano ah, balse waligiis wax uma qaban xitaa xabbad kaniini ah kuma sheegan karo Beesha” ayuu yiri Nabadoon Ibraahim Kuusow
Nabadoonka wuxuu intaasi ku daray in reerka uu ka soo jeedo iyo wasiir Saalim Caliyow inay ka dhex taagan tahay dhibaato sida uu sheegay aan waxba laga qaban karin.
“ceeb waxaa ugu filan inuu maanta wax ka raadshay oo ka qaatay kursi uu ku fadhiyay wiil uu isagu soo korsaday oo abihiisna saaxiib la ahaa”ayuu yiri Nabadoonka.
XAFIISKA WARARKA SIYAASADA
DAYNIILE.COM
