JOWHAR (DAYNIILE.COM)-Wasiir Beesha Xawaadle u dhashay ayaa markii ugu horeysay wuxuu shaaciyay in Dagaalka Moqokori iyo guud ahaan dagaalada Alshabaab ka dhanka ah aysan ku habooneyn in dadka reer guuraagu hogaamiyaan balse nidaamka saxda ah uu yahay in Dowladu hogaamiso.
Wasiirka arimaha gudaha Maamulka Hirshabelle oo ka hadlayay dagaalkii shalay Alshabaabku ku qabsadeen Degmada Moqokori ee Gobolka Hiiraan ayaa sheegay in dagaalka aan looga maarmin in Dowladi hogaamiso halkii ay dadka reer guuraaga ka hogaamin lahaayeen.
“Dagaalka Moqokori kuma haboona in dad reer guuraa ah ay hogaamiyaan balse waxay ku haboon tahay in Dowladi hogaamiso mana looga maarmo “ayuu yiri wasiirka arimaha
Wasiirka mar uu ka hadlayay xaalada Moqokori wuxuu sheegay in degmadaasi aysan gacanta alshabaab ku wada jirin,wuxuu xusay in wali ciidamada dowlada iyo kuwa deegaanku dhinac ka joogaan Moqokori gaar ahaan dhanka waqooyi.
Sidoo kale mar uu ka hadlayay khasaaraha ka dhashay qaraxii shalay Moqokori ka dhacay ayuu sheegay inay ku dhinteen dad muhiim u ahaa dagaalada lagu jiro alshabaab balse laga gud-bi doono.
XAFIISKA WARARKA SIYAASADA
DAYNIILE.COM
DAYNIILE.COM
