Wasiirka Gaashaandhiga Somalia Axmed Macalin Fiqi oo maanta gaaray deegaano hoos taga Degmada Warsheekh ayaa la hadlay ciidamo ka tirsan kuwa Xooga Dalka iyo dadka deegaanka kuwaasoo u diyaarsan inay fuliyaan howlgalo ka dhan ah Alshabaab.
Wasiir Fiqi wuxuu ciidamada ku dhiiri-geliyay inay Alshabaab ka saaraan deegaanada ay hada ku sugan yihiin,wuxuu u tilmaamay in dagaalka Alshabaab uu xaq diiniya yahay.
“Alshabaab ciidankooda waad aragteen waa Wiilal yayar oo geedaha lagu xiro si aysan furinta uga cararrin” ayuu yiri Wasiir Fiqi
“ waa sii dabar go’ayaan khawaarijta, waxaan rajeynayaa inta hartay in aan gacan ku soo qaban doono.” ayuu mar kale yiri Wasiirka Gaashaandhigga XFS, Axmed Macalin Fiqi
Shalay ayay ahayd markii Wasiir Fiqi uu socdaalkiisa ka bilaabay Deegaanka Xaaji Cali halkaasoo uu sidan oo kale ciidamo badan kula hadlay.
XAFIISKA WARARKA SIYAASADA
DAYNIILE.COM
