Wasiirka Gaashaandhiga Somalia Axmed Macalin Fiqi ayaa ka hadlay banaan-baxa reer Boorama ay ku muujiyeen dareenkooda waxayna ka soo horjeesteen in shacabka walaalaheen ee Falastiin dhulkooda inta laga xoogo in qaxooti looga dhigo dhulka reer waqooyiga Somalia ee la baxay Somaliland.
Wasiir Fiqi wuxuu ku amaanay shacabka Waqooyiga Soomaaliya gaar ahaan kuwa Magaalada Boorama ku dhaqan xaqqa ay ku taagan yihiin.
“Dhallinyarada Boorame waa bogaadinaynaa dhiiranaantooda iyo xaqqa ay ku taagan yihiin” ayuu yiri Wasiir Fiqi
“Shalay Oday Muuse Biixi wuxuu soo saxiixay badda gobolkiina, maanta Oday Cirro Kama foga in uu soo saxiixay in Falastiiniyiin si qasab loogu soo raro gobolkiina,
Marnaba ha aqbalina go’aan khaldan oo cawaaqib xumo iyo ceeb xambaarsan in aad qeyb ka noqotaan!” ayuu mar kale yiri Wasiir Fiqi oo qoraal gaaban soo dhigay barihiisa bulshada
XAFIISKA WARARKA SIYAASADA
DAYNIILE.COM
