MUQDISHO (DAYNIILE.COM)-Xildhibaan C/raxmaan Odowaa iyo wasiiru Dowladaha Gaashaandhiga Somalia Cumar Cali Cabdi ayaa si kulul uga jawaabay hadalo hanjabad u badnaa oo shalay ka soo yeeray odayaasal u dhashay Beesha Habar-gidir oo ay xilalka Dowlada ku matalaaan masuuliyiintaan.
Odayaasha ayaa shalay ku hanjabay hadii mar kale dhul beesha Habar-gidir degabn tahay oo dhul Dowlo ah oo loogu yimaado ay dagaal kala hortagi doonaan Dowlada Somalia islamarkaana ay hubkooda la soo bixi doonaan,sidoo kale odayaashaan ayaa qaadacay ka qeybgalkooda doorashooyinka golaha deegaanka ee bisha danbe dalka ka dhacaya.
Wasiiru dowlaha Gaashandhigga Somalia Cumar Cali Cabdi oo ka hadlayay warka odayaashaani ayaa si cad u sheegay amniga ay gacanta ku hayaan ciidamada Dowlada islamarkaana uusan jirin shaqsi ama qabiil hub soo qaadan kara.
“Waa la hanjabi karaa laakiin ma jirto qabiil iyo cid hub soo qaadan karto,Hay’adaha Amniga ayaa gacanta ku haya amniga caasimada” ayuu yiri Cumar Cali Cabdi Wasiiru dowlaha Gaashandhigga .
Sidoo kale Xildhibaan Odowaa ayaa isna daboolka qaaday in xilalka Amniga ee Dowlada oo dhanba inay gacanta ugu jiraan saraakiil ku heyb ah odayaasha hadlay ee beesha Haba gidir.
“yaa amniga Muqdisho ka taliya , beesha aad sheegteen rag u dhashay ayaa ka taliya amniga caasimada ,mana jirto wax dhib ah oo beeshu qabto”ayuu yiri Xildhibaan Odowaa
XAFIISKA WARARKA SIYAASADA
DAYNIILE.COM
