GAROWE (DAYNIILE.COM)-Wasiirka arimaha gudaha maamulka Puntland Cabdi Faarax Juxa ayaa ku eedeeyay Madaxweyne Xassan iyo Dowlada uu hogaaminayo inay ku laashay ama ku tumatay dastuurkii ay Soomaalidu heshiiska ku ahaa.
Wasiir Juxa oo soo hadal qaaday labada mashruuc ee hada sida weyn loo hadal hayo inay Dowladu dhaqan geliso sida E-visa iyo kaarka aqoonsiga Somalinimo ee loo xil saaray NIRA ayuu carabka ku adkeeyay in Dowlada Madaxweyne Xassan aysan dhaqan gelin karin.
“Xasan Sheekh isagaa ku tuntay dastuurkii heshiiska lagu ahaa, mana uu heysto sharcyad uu ku dhaqan geliyo NIRA iyo E-visa” ayuu yiri wasiir Juxa
Sidoo kale Wasiir Juxaa wuxuu ku dhaliilay Madaxweyne Xassan in arinta kaarka aqoonsiga Somalinimo ee NIRA iyo E-visa uu ugu gabanayaa islamarkaana uu daba socdaa sharcigii 1962-kii ee jinsiyada Somalinimo,wasiirka wuxuu tilmaamay in hada uu doonayo Xassan Sheekh inuu badalo.
Wasiirka dhaliisha marka laga soo tago ma uusan soo bandhigin cadeymo muujinaya eedaha uu u jeediyay Dowlada Faderaalka Soomaaliya, mana aha markii uu eedeymo sidaan oo kale ah uu u jeediyo.
XAFIISKA WARARKA SIYAASADA
DAYNIILE.COM
