Wasiiru Dowlaha Amniga XFS Mudane Maxamed Cali Xagaa, ayaa maanta si rasmi ah Muqdisho uga furay kulan wadatashi ah oo ku saabsan ka talo bixinta Xeer-nidaamiyayaasha lagu dhaqayo sharciyada dhaqangalka ah ee HSJ waxaana loo qabtay Saraakiisha, xirfadlayaasha Hey’adda Socdaalka & Jinsiyadda.
Wasiirka ayaa kula dardaarmay madaxda Sare iyo Saraakiisha HSJ in ay ka faa’ideystaan fursadda loo siiyay 4tan Maalmood in ay ku soo saaraan Xeer-nidaamyeyaasha labada sharci ee dhaqangalka ah.
Agaasimaha Guud ee hay’adda Mudane Axmed Siciid Maxamed ayaa faray howl wadeenada mudada 4ta Maalmood ah ee uu socon doono kulankaan, in ay si taxaddar leh uga wada doodaan sharciyada dhaqan galka ah ee HSJ.
v
