Ankara (dayniiile.com)-Meel u dhow xarunta baarlamaanka dalka Turkey ee magaalada Ankara waxaa maanta ka dhacay weerar isqarxin ah kaasoo gaystay khasaare nafeed.
Weerarkaan waxaa ku dhaawacmay laba askari oo booliis ah mana jirin khasaare kale sida ay warbaahintu tabiyeen.
Sidoo kale wasaarada arimaha gudaha iyo wasaarado kale ayaa meesha qaraxa ka dhawaa.
Masuul u hadlay Wasaaradda ayaa sheegay in labada qof ee weerarka qaaday ay 9:30 kii subaxnimo ee waqtiga dalkaasi gaari ku yimaadeen afaafka hore ee iridda laga galo Agaasinka Guud ee Amniga ee Wasaaradda Arrimaha Gudaha, ayna qaadeen weerar Bambaano.
Wasaaradu waxay sheegtay in weerarkaasi ahaa mid argagaxiso inkastoo wali aaney cidina sheegan inay weerarkaan ka danbeeyaan.
XAFIISKA WARARKA
DAYNIIILE.COM
