GRAZ (DAYNIILE.COM)-Wararka laga helaayo Magaalada Graz oo ah xarunta labaad ee Dalka Austria ayaa sheegaya in wiil 21 jir ah ii hubeysani dad badan ku laayay iskuul ku yaal Magaaladaasi aroortii hore ee saaka.
Wiilka oo 2 qorey ku hubeysnaa ayaa markii uu iskuulka tagay wuxuu toogtay oo nafta dhaafiyay 9 ruux halka isagana 10 looga dhigay tirada guud ee dhimashada goobtaasi ka dhacday.
Booliisku waxay sheegeen in ninkaas isdilay markii uu dilka fuliyay kadib xili uu ku jiray musqusha dugsiga,guud ahaan hubka uu adeegsaday wuxuu ahaa mid u sharciyeysay dilaaga.
Wararku waxay intaasi ku darayaan in Booliisku wadaan baaritaan si ay u ogaadaan Wali waxay wadaan baaritaanka si loo ogaado sababta wiilkaani ku xanbaartay inuu falkaasi u geysto.
Waxaa shir jaraa’id wada qabtay Wasiirka arrimaha gudaha Austria Gerhard Karner, Chancellor Christian Stocker, guddoomiyaha Styria, Mario Kunasek iyo wasiirka waxbarashada ee Austria Christoph Wiederkehr kuwaas oo saxaafada uga warbixiyay sida ay wax u dheceen.
Masuuliyiinta qaarkood ayaa saxaafada u sheegay ninkii weerarka geystay uusan horey ugu diiwaangashayn booliiska islamarkaana ay tahay markii ugu horeysay oo fal danbiyeed lagu helo
XAFIISKA WARARKA SIYAASADA
DAYNIILE.COM
