KISMAAYO (DAYNIILE.COM)-Garoonka Diyaaradaha Magaalada Kismaayo waxaa goor dhaw ka degay Wufuud oo horu dhac ah mucaaradka Muqdisho gaar ahaan Madasha samatabixinta kuwaasoo saaka diyaarad ka raacay Magaalada Muqdisho.
Wafdiga horudhaca ah ee gaartay Kismaayo waxaa hogaaminayay Xohayaha guud ee Mucaaradka samatabixinta Maxamed Aadan Jimcaale Koofi,waxaana garoonka diyaaradaha Kismaayo ku soo dhaweeyay wasiiro iyo xldhibaano ka tirsan Maamulka Jubaland.
Dr Koofi wuxuu sheegay inta aan joogaan Kismaayo inay shaqeyn doonaan badbaada dalka, wuxuu intaasi ku daray in shirka ay isugu iman doonaan Golaha Mustaqbalka.
“Kismaayo horey baan u joogi jirey,uga shaqeyn jirey balse hada inaan imaano muddo dheer ayaan qorsheyneynay Shirkuna berri ayuu noo furmayaa”ayuu yiri Dr Koofi.
Wasiirka arrimaha Gudaha ee Jubbaland ayaa isna soo dhaweynta ka wufuuda xamar ka tagtay ka sheegay Kismaayo inuu rajeynayo in Shirka Kismaayo wax badan ka badelo xaalada Dalka.
Sidoo kale waxaa warbaahinta isna la hadlay Wasiirka Warfaafinta Maamulka Jubaland kaasoo sheegay in Kismaayo ay noqon doonto meesha dalka lagu badbaadin lahaa sida uu warka u dhigay
“Dowladda Soomaaliya gacanta ayaan qaban doonaa,Kismaayana waxay noqon doontaa meesha dalka lagu badbaadin lahaa, Dowlada runta ayaa loo sheegayaa,halkaan wax weyn ayaa naga soo bixi doono” ayuu yiri Wasiirka Warfaafinta Maamulka Jubaland
XAFIISKA WARARKA SIYAASADA
DAYNIILE.COM
