WARGAADHI (DAYNIILE.COM)-Waxaa saaka aad u degan deegaanka Wargaadhi oo shalay ay ku dagalaameen Alshabaab iyo ciidamada Dowlada Somalia, iyadoo isla shalayna Dowladu war ka soo saartay kasoo ay ku sheegeyso inay guulo kaga gaareen.
Warsaxaafadeed shalay Wasaarada Gaashaandhiga Somalia ka soo saartay dagaalka Wargaadhi ayay ku sheegtay inay ku fashiliyeen isku day weerar alshabaab ku soo qaadeen Deegaankaasi ee Gobolka Shabeelaha dhexe.
Sidoo kale Dowladu waxay warkeeda ku xustay inay dagaalka difaaca ahaa ku dileen sarakaalkii watay dagaalamayaasha Alshabaab,sidoo kale Dowladu waxay sheegtay inay jabiyeen weerarkii Alshabaab islamarkaana kala ceyriyeen.
“Taliska Ciidanka Xoogga Dalka Soomaaliyeed wuxuu xaqiijinayaa in amniga deegaanka Wargaadhi si buuxda gacanta ugu jiro ciidamada, isla markaana uusan jirin wax khatar amni ah oo hadda taagan” ayaa ka mid ahaa warkii Dowlada ka soo baxay shalay
 XAFIISKA WARARKA SIYAASADA
DAYNIILE.COM
