XIGASHO LAACIB.NET
Wargeyska reer Spain ee AS ayaa xaqiijiyay in Real Madrid ay si dhab ah u eegayso suurtagalnimada ay kula saxiixan karto Martin Zubimendi, oo ka tirsan kooxda Real Sociedad, iyadoo qorsheynaysa heshiis amaah ah oo hal xilli ciyaareed ah kaddib marka la soo gabagabeeyo Koobka Adduunka ee FIFA ee kooxaha.
Maamulka kooxda “Los Blancos” ayaa doorbidaya qaabka amaahda si ay uga fogaadaan bixinta qoddobka lagu burburin karo qandaraaskiisa. Si kastaba ha ahaatee, waxay sidoo kale diyaar u yihiin inay tixgeliyaan heshiis toos ah haddii aysan qandaraaska u kordhin Real Sociedad.
Madrid ayaa eegaysa dhowr xulasho oo khadka dhexe ah, kuwaas oo ay ka mid yihiin Vitinha iyo Joao Neves oo ka tirsan PSG, iyo Angelo Stiller oo ka ciyaara Stuttgart. Si kastaba, Zubimendi ayaa ah dookha koowaad ee tababaraha cusub Xabi Alonso, oo hore ula soo shaqeeyay xiddigan xilligii ay wada joogeen kooxda Real Sociedad “B”, iyadoo ay wadaagaan hal wakiil.
Zubimendi ayaa sidoo kale bartilmaameed u ahaa Arsenal, iyadoo uu si gaar ah u dalbaday tababaraha Gunners, Mikel Arteta. Hase yeeshee, faragelinta Real Madrid ayaa laga yaabaa inay beddesho jihada heshiiska.
Real Madrid ayaa hore u xoojisay safkeeda xagaagan iyadoo la saxiixatay Dejan Huesin oo ka yimid Bournemouth iyo Trent Alexander-Arnold oo ay kala soo wareegeen Liverpool.
