Raiisulwasaarihii hore ee Somalia Xassan Cali Kayre ayaa weerar culus oo dhanka diblomaasiyada wuxuu ku qaaday Dowlada muda xileedkeedu dhamaaday ee uu hogaamiyo Madaxweyne Xasan.
Ra’iisulwasaare hore Xasan Cali Khayre oo ka tirsa madaxda Mucaaradka Golaha Mustaqbalka ayaa sheegay in Dalka xaalad adag ku jiro islamarkaana ay jiraan Malaayiin Soomaali ah oo la ildaran abaaro xili Dowlada waqtigeedu dhamaaday aany heyn wax qorshe siyaasaded ah oo lagu bad baadiyo dadkaasi.
“4.8 milyan oo Soomaali ah ayaa maanta la ildaran xaalado bani’aadannimo, waxaana ayaandarro ah in dowladda muddo-xileedkeedu dhammaaday aysan lahayn aragti, qorshe, iyo ajande qaran oo lagu samatabixinayo dadkaas Soomaaliyeed ee u baahan gurmadka iyo gargaarka degdegga ah” ayuu yiri Xasa Cali Khayre
Sidoo kale Siyaasi Xasan Cali Khayare wuxuu ku eedeeyay Madaxweyne Xasan mudadii uu xilka hayay in hogaankiisu ku suntanaa musuq maasuq,maamul xumo,aragti la’aan iyo qorshaxumo.
Madaxweynaha waqtigiisu dhammaaday Afartii sano uu xukunka hayay ,wuxuu ku suntanaa aragti la’aan, qorshaxumo, karti la’aan, iyo maamulxumo ay u dheertahay musuqmaasuq, nin jecleysi, boobka hantida qaranka, barakicinta danyarta, iyo hurinta colaado sokeeye” ayuu mar kale yiri Xassan Cali Khayre
XAFIISKA WARARKA SIYAASADA
DAYNIILE.COM
