BANDIIRADLEEY (DAYNIILE.COM)-Wararka ka imaanaya Degmada Bandiiradleey ee Gobolka Mudug ayaa sheegaya in caawa Magaaladaasi ay ka taagan tahay xiisad colaadeed beeleed.
Saaka aroortii ayaa maleeshiya beeleed waxay duleedka Bandiiradleey gaar ahaan tuulada Qorax ku laayeen 10 ruux oo shacab ah aano qabiil darteed halka 10 kalana ay dhaawaceen .
Xiisad ka dhalatay dilka saaka dadkaasi loo geystay ayaa caawa ka taagan degmada Bandiiradlee xili Maamulka Gobolka Mudug uu isku dayayo inuu soo qabto maleeshiyaadkii saaka xasuuqa geystay si looga hor tago xiisada taagan oo keeni karta in maleeshiyaadka kale iyaguna dad laayaan.
Maleeshiya hubeysan ayaa laga soo sheegayaa inay is abaaul wadaan taasoo caawa aad looga dareemayo Degmada Bandiiradleey sida ay sheegtay idaacada Kulmiye.
Dadka shacabka ee saaka la dilay waxaa ku jira 2 caruur ah kuwaasoo dhamaantood si arxan daro ah loo laayay .
XAFIISKA WARARKA SIYAASADA
DAYNIILE.COM
