Xildhibaan C/ladiif San-yarre ayaa qoraal kooban uu soo dhigay bartiisa Facebook wuxuu kaga hadlay xiisada dagaal ee laga soo sheegayo Gaalkacyo kadib markii maamulka Puntland digniin ka soo saareen imaanshaha Madaxweynaha Somalia ee Gaalkcyo.
Qoraalka Xildhibaanka oo sidiisa u qoran halkaan ka akhriao:
Nabada iyo wada jirka Gobolka Mudug gaar ahaan magalada Galkacyo waxay noogu fadhidaa qiima weyn waxaana ku baxay dhiigii haldoorka bulshada, caqligii iyo maalkii dadka reer mudug.
waxkastana waxaa nooga qaalisan nabadaas oo waarto dadkuna ay is jeclaadan, walaltinimaduna sii siyaado, waxaan codsanaya qof kasta oo ka hadalaya arinta gobolka mudug inuu uga hadlo si aan xanaf lahayn uuna ilaaliyo dareenka dadka reer mudug oo qiimaha badan, dhibta badana usoo adkaystay, nabada ay haystaana ilaahay fadligiisa iyo dadaalkooda ay kutimid
Waxaan cod dheer ku leeyahay walalyaal qof kasta oo hadlaya hadalkiisa midka ugu quruxda badan hayiraahdo.
