BALCAD (DAYNIILE.COM)-Askari ka tirsan Milatariga Soomaaliya gaar ahaan ka mida kuwii dhawaan lagu soo tababaray Dalka Ereteria ayaa xalay dad shacaba ku laayay deegaanka Carafaag oo ku dhaw xerada Hiil-weyne ee duleedka Degmada Balcad.
Askariga ayaa la sheegay inuu isagoo daroogeysan isku dayay inuu kufsado haweeneey deegaankaas u dhalatay balse laba nin oo ehelkeeda ah ayaa is hor taagay kufsiga kadibna goobtii ayuu ku dilay dhalinyaradaasi shacabka ahaa.
Taliyaha Ciidamada Xerada Hiil-weyne oo askarigaani ka tirsanaa ayaa markii uu maqlay ciidan u direy waana la soo qabtay iyadoona loo gudbiyay xabsiga dhexe ee Xamar.
Dadka degan nawaaxiga Xerada Hiil-weyne ayaa sameeyay isku soo bax cabasho ah waxayna xirteen laamiga kadibna waxaa loogu yeeray oo goobta soo gaaray Xildhibaanka ku matala Baarlamaanka kaasoo ah Xildhibaan Cusmaan Xaadoole.
Xildhibaanka ayaa dejiyay dadka deegaanka isagoona markaa kadib si kulul uga hadlay dhacdada.
“Dowladu raali kama aha in shacabkeeda uu laayo Askari daroogiiste ah, sharciga ayaana la hor geynayaa,anagu ma aqbali karno mar kasta in Askari dowlad sheeganaya inuu dadkeena laayo”ayuu yiri Xildhibaan Xaadoole.
Hadaba halkaan ka daawo muuqaalka hadalada Xildhibaan Xaadoole iyo Taliyaha xerada hiilweyne.
