NEW YORK (DAYNIILE.COM)-Xog-hayaha Guud ee Qaramada Midoobay ayaa war ka soo saaray dagaalada Muqdisho ka qarxay shalay galab kaasoo u dhexeeya ciidamada Dowlada iyo mucaaradkeeda hubeysan,waxaana ka dhashay khasaare kala duwan
Xog-hayaha Guud ee Qaramada Midoobay wuxuu ugu horeyn cambaareeyay dagaalka isagoona dhanka kala muujiyay walaaca uu ka qabo dagaalka iyo dhibaatooyinka ka dhashay gaar ahaan dhibka shacabka gaaraya.
“waxaan ka walaacsanahay dagaalka hubeysan ee la iiga soo sheegay Muqdisho 3-da June ,sababayna khasaare isugu jira dhimasho iyo dhaawac iyo burburka kaabayaasha dhaqaalaha” ayuu yiri Xog-hayaha Guud ee Qaramada Midoobay
Mar uu ka hadlayay masuuliyada dagaalka iyo dhinacyada ka danbeeya ayuu carabka ku adkeeyay inaaney jiri karin cudur ku saabsan dhibaatooyinka la gaarsiinayo shacabka wax kasta ha sababaan mar hadii dano siyaasadeed dhibaatada lagu geysanayo.
Masuulkaan ugu sareeya QM wuxuu xasuusiyay masuuliyiinta dagaashan ilaalinta sharciga caalamiga ah ee bani’aadamnimada iyo sharciga caalamiga ah ee xuquuqda aadanaha.
Mar uu si dadban ugu digayay ama ugu hanjabayay Soomaalida wuxuu masuulkaasi qoraalkiisa ku muujiyay inay jiri doonto baaritaan iyo dacwad xili la raacayo qaab-dhismeedka sharciga caalamiga ah
XAFIISKA WARARKA SIYAASADA
DAYNIILE.COM
