XIGASHO LAACIB.NET
Pedri, Ferran Torres iyo Frenkie de Jong oo ku murmay qorshaha Hansi Flick intii lagu jiray guuldarradii Sevilla.
Warbaahinta DAZN ayaa shaacisay in xiddigaha Barcelona ee Pedri, Ferran Torres, iyo Frenkie de Jong la arkay iyaga oo ku murmaya garoonka dhexdiisa intii lagu jiray guuldarradii 4-1 ee ay kala kulmeen Sevilla horyaalka La Liga.
Sida laga soo xigtay warbixinta, saddexda ciyaaryahan ayaa ka cabanayay qaabka Hansi Flick u dejiyay ciyaarta, iyadoo ay u muuqatay in khadka dhexe ee Barca uu aad u shaqaynayay balse uusan helin boos ay ku ciyaaraan. Kooxda Sevilla ayaa si degdeg ah u xiraysay meelaha bannaan, taasoo ka dhigtay in Barcelona ay ku adkaato inay kubbadda si halis ah u dhaqaajiso.
Pedri, oo si dhow loo ilaalinayay inta lagu jiray ciyaarta, ayaa la sheegay inuu si cad uga dacwoonayay xaaladda, isagoo u sheegay Ferran Torres inuu dareemayo in nidaamka Flick aanu shaqaynayn.
Barcelona ayaa ugu dambayn lumisay hoggaanka La Liga kadib guuldarradan culus, iyadoo cadaadis cusub la saaray tababaraha Hansi Flick inkastoo maamulka kooxda ay weli ku adkeysanayaan kalsoonida ay ku qabaan.
XIGASHO LAACIB.NET
