La-taliyahii hore ee Xafiiska Amniga Qaranka Soomaaliya Xuseen Sheekh Cali ayaa qoraal kooban oo xasaasi ah uga hadlay xiisadda cusub ee dalku wajahayo & tallaabadii shalay Israa|l ku aqoonsatay Somaliland. Qoraalkiisa ayaa waxa uu ku dul istaagay dhowr qodob oo muhiim, sida isbedelka awoodda ee ku socda adduunka, loolanka Badda cas, hadalkii hoggaamiyaha Israa’|l ee shalay, dowrka Mossad ee sirdoonka ku lahaayeen falkii dhacay & mas’uuliyadda hortaalla DFS.
Xuseen Sheekh Cali ayaa sheegay “in uu caalamku isbedelayo, Soomaaliyana ay wajaheyo tijaabioyin bilow ah oo soo gaaray, fahan ballaaranna u baahan”.
Qoraalkiisa ayaa waxa uu ku yiri “Wixii shalay dhacay maaha wax fudud, waxaana meesha ku jiray u mahadcelinta Mossad”, qodobkaan oo u baahan in lagu baraafugo.
Dhinaca kale, Waxa uu qiray in wax kasta oo hadda dhacaya ay yihiin loolan sal u ah marin biyoodka Badda cas, saameynna ku yeelan karaa Sacuudiga, Masar & Xuutiga Yemen, halka Israa’|l ay is tuseyso in aan loolankaas looga guuleysan.
Dhanka sharciyadda & siyaasadda ayuu sidoo kale ka eegay mushkiladdan cusub, waxa sidoo kale uu ku tilmaamay sheeko aan ugub aheyn oo lasii hayay xogteeda oo muddo xan aheyd, halka wax kasta oo dhaca Soomaaliya xagga sharciga ku adagtahay oo Qaranku yahay mid gob ah.
Ugu dembeyn, DFS ayaa waxa uu hordhigay in lagu guul darreystay sidii loo wajahay kiiska gobollada Waqooyi “Somaliland” oo ay aheyd in si dhab ah gacanta loola galo “xalka wixii ka dhacay dowladdii askarta ee kacaanka aheyd”
