EYL (DAYNIILE.COM)-Askari ka tiran Ciidamada Booliiska Puntland ayaa la xaqiijiyay inuu xalay waqti danbe dhowr xabadood ku dhuftay Taliyaha saldhigga Booliiska Degmada Eyl ee Gobolka Nugaal.
Taliyaha ayaa dhaawaciisa waxaa la soo gaarsiiyay Magaalada Garowe ee Xarunta Maamul Goboleedka Puntland halkaasoo xaaladiisa caafimaad lagula tacaalayo, waxaana dhaawaca uu ka soo gaaray labada lugood.
Askari ka tirsan Saldhiga Degmada Eyl ayaa la soo sheegayaa inuu xalay saq dhexe taliyaha oo hurda rasaas badan ooda kaga qaaday iyadoona rasaastu lugaha ka haleeshay.
“xalay 12-kii saqda dhexe ayuu Nin ciidanka saldhigga degmada katirsan oo dhalinyaro ah uu qori la dulyimid Taliyaha oo hurda dabadeedna xabad kaga dhuftay labada lugood, waxaana jaban mid ka mida ah lugaha”ayuu yiri xildhibaan Hiirad Aw Muuse oo katirsan golaha deegaanka degmada Eyl.
XAFIISKA WARARKA SIYAASADA
DAYNIILE.COM
