Ra’iisulwasaarihii hore ee Somalia Xassan Cali Kheyre ayaa qoraal uu soo saaray wuxuu kaga taciyeeyay geerida ku timid Allaha u naxariistee Madaxweyne xigeenkii 2-aad ee Maamulka Jubaland C/qaadir Xaaji Maxamed (Lugadheere).
Qoraalka Ra”isulwasaaha ayaa sidan u qornaa:-
Waxaan qoyskiisa, qaraabadiisa, dadka iyo dowladda Jubbaland, iyo guud ahaan ummadda Soomaaliyeed uga tacsiyaynayaa geerida naxdinta leh ee haleeshay Madaxweyne-ku-xigeenkii dowlad-goboleedka Jubbaland Suldaan Cabdiqaadir Xaaji Maxamuud oo ku geeriyooday magaalada Nairobi.
Suldaan Cabdiqaadir waxa uu kaalin ka qaatay dhismaha iyo horumarinta dowladnimada Jubbaland, iyo dib-u-heshiisiinta bulshadeeda. Waxaan Alle uga baryayaa in uu ugu deeqo naxariistiisa janno, qabrigana u waasiciyo, samir iyo iimaanna naga wada siiyo.
