Xoogag ka tirsan Al-Shabaab ayaa la wareegay Tuulada War-maxan ee gobolka Sh/hoose, kadib dagaal dhexmaray iyaga iyo ciidamada dowladda oo gacanta ku hayay halkaasi.

Dadka degaanka ayaa xaqiijiyay in Al-Shabaab ay caawa la wareegeen tuuladaasi, isla markaasna ciidamada dowladda ay ku sugan yihiin meel aan ka fogeyn halkaasi, lamana oga khasaaraha ka dhashay dagaalkan.

Dhinaca kale, Al-Shabaab ayaa la sheegay in askar ka tirsan ciidanka dowladda ka afduubteen degaanka Tabeelaha Maama-caliyow oo 20-km u jira degmada Wanla-weyn.

Afduubka askartaan ayaa ka dambeysay kadib kadib markii Al-shabaab ay weerareen gaadiid ay ciidankaas la socdeen oo dhuxul waday.

Wararka ayaa sidoo kale sheegaya in Al-shabaab ay dileen 3 qof oo shacab ah, ayna gubeen 2 gaari oo mid ka mid ah yahay gaari weyn.

Saraakiisha ciidamada xoogga iyo Maamulka gobolka Shabeellada Hoose ayaan weli ka hadlin afduubkan loo geystay ciidamadan ka tirsan dowladda.

LEAVE A REPLY

Please enter your comment!
Please enter your name here