MUQDISHO (DAYNIILE.COM)-Waxaa maanta Magaalada Muqdisho ka socota Munaasabadda dabaaldegga xuska 82-aad ee aasaaska Ciidanka Booliiska Soomaaliyeed iyadoo ay ka soo qeybgaleen masuuliyiin badan sida Taliyaha Booliiska iyo saraakiisha Booliiska guud ahaan.
Sanad kasta maanta oo kale 20-ka December ayaa la xusaa aas-aaskii ciidamada Booliiska Soomaaliyeed oo sanadkaan 2025 jirsadayy 82 sano waxaana qarnigii uga harsan 8 sano oo kaliya,guud ahaan ciidamada Dowlada waxaa ugu horeeyay ee la aas aasay Booliiska.
Sida caadiga ah waxaa dabaal dega lagu sameeyaa gada ka ciyaar ay soo bandhigaan ciidamada Booliiska si ay u muujiyaan shaqada ay u hayaan bulshada madaama lagu tilmaamo saaxiibka bulshada,inta badan Booliisku waxay ka dhex howlgalan bulshada oo ay amnigooda iyo aqlaaqdoodaba ilaaliyaan.
Ciidamada Booliiska waxay u sii kala baxaan qeyno sida kuwa ilaalada taraaikada baarsta danbiyada ,booliis milataariya,kuwo si gaar ah u tababaran iyo Booliska caadiga ah ee la wada garanayo.
Taliyaha ciidamada Booliiska Soomaaliya Asad C/laahi Cusman ayaa hogaaminaya munaasabada madaama uu yahay sarkaalka ugu sareeya Booliiska,Taliye Asad wuxuu goor dhaw goobta munaasabada ku soo dhaweeyay saraakiil iyo masuuliyiin kala duwan sida Agaasimaha Nabad sugida iyo sirdoonka Qaranka Mahad Maxamed Salaad iyo Gudoomiyaha Gobolka Banaadir ahna Duqa Muqdisho Xasan Maxamed Xuseen Muungaab.
XAFIISKA WARARKA SIYAASADA
DAYNIILE.COM
