WASHINGTON (DAYNIILE.COM)-Madaxweynaha Mareykanka oo Isniinta Dalkiisa ku balamiyay Madaxweynaha Ukraine Volodymyr Zelensky ayaa ka hor shirkooda wuxuu ku sii adkeynaya Zelensky inuu aqbalo qorshaha heshiiska xabad joojinta ee uu ka dhex wado iyaga iyo Ruushka.
Zelensky laftigiisa ayaa ka cabanaya Putin isagoona ku eedeyay inuusan diyaar u ahayn joojinta dagaalka iyo xasuuqa uu ka wado dalkiisa.
“diidmada Ruushka ee ah in la ogolaado xabbad joojinta waxay adkeyneysaa dadaallada lagu joojinayo dagaalka” ayuu yiri Zelensky oo ah Madaxweynaha Ukraine
Volodymyr Zelensky wuxuu intaasi ku daray in Madaxweynaha Ruushka inuusanba ogoleyn xabbad-joojin iyo dilka shacabka dalkiisa taasoo sii adkeynaysa xaalada sida uu sheegay Madaxweynaha Ukraine.
Xili Zelensky uu aaminsan yahay in Putin uu diidan yahay nabada ayuu Madaxweynaha Mareykanka Trumo wuxuu warbaahinta u soo mariyay Zelensky codsi ah inuu aqbalo wada xaajoodka uu garwadeenka ka yahay si nabad looga gaaro dagaalka kala dhaxeeya Ruushka
Madaxweyne Trump wuxuu sidoo kale saxaafada u sheegay in heshiiska xabad joojinta uu doonayo inuu u rogo mid toos ah oo joogto ah marka uu dhawaan kulanka kale la qaato Putin.
XAFIISKA WARARKA SIYAASADA
DAYNIILE.COM
