MUQDISHO (DAYNIILE.COM)-Warsaxaafadeed ka soo baxay Dowlada Somalia ayaa lagu shaaciyay in shirkii Golaha Wadatashiga Qaranka ee maanta loo balansanaa inuu baaqday sababo jira awgood.
Warsaxaafadeedka ayaa sidoo kale lagu sii sheegay in kadib wada-tashi ay yeesheen Madaxda Qaranka lagu go’aamiyay in shirku bilaaban doono isniinta oo bishu tahay 5-ta bisha May 2025.
Shirkaan oo ah mid u dhexeeya madaxda Dowlad Goboleedyada iyo kuwa qaranka ayaa hadana waxaa la sheegayaa in Madaxweynaha Puntland uu wali diidan yahay ka qeybgalka shirkaani.
Maamulka Jubaland waxaa iyagana u diidan Dowlada iyadoona shuruud looga dhigay inay marka hore ka laabtaan natiikada doorashadii uu dhawaan isku caano shubay Axmed Madoobe.
Dhanka kale waxaa Magaalada Muqdisho ku sugan Madaxweynayaasha Maamul Goboleedyada Gal-udug,Koour-Galbeed iyo Hirshabelle kuwaasoo u yimid ka qeybgalka shirka.
XAFIISKA WARARKA
DAYNIILE.COM
DAYNIILE.COM
