Hindiya iyo Pakistan ayaa ku heshiiyey xabbad joojin degdeg ah ka dib maalmo ay taagnayd xiisad militari oo ka dhalatay weerarkii Dowlada India ku qaaday Pakistan.
Madaxweynaha Mareykanka Donald Trump la sheegay inuu labada dal dhex dhexaadin u sameeyay ,ugu dambeyna uu ku guuleystay inay heshiis horu dhac ah oo xabad joojin la agaaray.
Pakistan iyo India ayaa mar sii horeysay bartilmaameedsaday saldhigyada militariga midba midka kale iyadoo Islamabad ay billowday Howlgalka Bunyan Marsoos ka dib markii saddex saldhig oo hawada Pakistan ah lagu bartilmaameedsaday gantaalada hawada ilaa-korka” ee Hindiya.
Maamulka gobolka Kashmiir ee ay Pakistan maamusho ayaa sheegay in ugu yaraan 13 qof ay ku dhinteen in ka badan 50 kalena ay ku dhaawacmeen gobolkaas tan iyo xalay sababo la xiriira duqeymaha Hindiya.
In ka badan 60 qof ayaa la soo wariyay in ilaa hadda la dilay tan iyo markii Hindiya ay gantaallo ku garaacday Arbacadii in ay sheegtay in lagu bartilmaameedsaday “xeryaha argagixisada” ee Pakistan iyo Pakistan ay maamusho Kashmir.
Dhanka kale Wasiirka arrimaha dibadda Pakistan Ishaq Dar ayaa xaqiijiyay in xabad joojinta ay si degdeg ah u dhaqan gali doonto.
XAFIISKA WARARKA
DAYNIILE.COM
DAYNIILE.COM
