Madasha Samata-bixinta Mucaaradka oo maalmihii ugu dambeeyay ku shirsanaa Muqdisho ayaa caawa ugu dambeyn soo saaray warmurtiyeed ay ku mideysan yihiin.
Warmurtiyeedka oo ay ku soo hadal qaadeen Madaxweyne Xassan ayay ku dhaliileen talo isku kali-yeelka taasoo sida ay sheegeen uu ku wiiqayo heshiisyadii siyaasadeed ee Dowladanimada Somalia oo ka soo bilowday Jabuuti.
Mucaaradka warmurtoyeedkooda waxay ku cadeeyeen sidii meel looga soo wada-jeesan lahaa dagaalka kooxaha argagexisada ah ee Alshabaab iyo Daac1sh.
Mucaaradku waxay isku afgarteen dagaalka sibuuxdana loogu garab istaago dowladda, si loo badbaadiyo jirtaanka qarannimada Somalia.
Maamulida iyo istiraatiijiyad xumida dagaalka ayay dhanka kale sheegeen in lagula xisaabtamayo Dowlada Somalia.
waxyaabaha lagula xisaabtamayo Dowlada waxay ka xuseen dayaca iyo daryeel la’aanta geesiyada naftood hurayaalka ah ee Ciidanka Xoogga Dalka iyo halgamayaasha degaannada kala duwan.
Warmurtiyeedka waxaa sidoo kale lagu soo hadal qaaday sharciyada maamul goboleedyada muddo xileedkooda dhammaaday sida dowlad gobolleedyada Galmudug, Hirshabelle iyo Koonfur Galbeed.
Si kastaba Warmurtiyeedka oo sidiisa u qoran halkaan hoose ka akhriso insha Allaah.
