BOOSAASO (DAYNIILE.COM)-Wararka laga helaayo Dekada Magaalada Boosaaso ee Maamulka Puntland ayaa sheegaya inay halkaasi ku gubatay dooni ganacsi oo u rarneyd ganacsato Soomaaliyeed.
Doonidaan oo siday raashin ayaa si gaar ah ugu rarneyd ganacato reer Puntland waxaa mar kaliya qabsaday dab taasoo keentay inuu doonta ku faafo ,holac iyo uuro qiiqna uu ka baxay.
Doonidaan oo ka timid Dalka India ayaa intaanba raashinka laga dejin waxa qabsaday dabka,waxaana magaca doonida lagu sheegay Faa’isa Suldaan.
Raashinka saarnaa doonidaan oo ay lahayd shirkad lagu magacaabo Jaabo ayaa lagu guuleystay in qaar la bad-baadiyay markii uu dabku bilowday,iyadoo dabkaasina shalay lagu guuleystay in la baqtiijo.
Maamulka Dekada Boosaaso ayaa ku guuleystay in dabkaasi uusan u sii gudbin dooanka iyo maraakiibta kale ee dekadaasi taagnaa.
XAFIISKA WARARKA
DAYNIILE.COM
