WASHIMGTON (DAYNIILE.COM)-Magaalada Washington ee Xarunta Dalka Mareykanka waxaa dhawaan ku kulmay wakiilo ka socday Midowga Afrika (AU) iyo Mareykanka taasoo looga hadlayay dhaqaale u raadinta howlgalka nabad ilaalinta Soomaaliya ee AUSSOM.
Warar ku dhaw dhaw shirkaasi oo warbaahinda dunida qaarkood shaaiyeen ayaa lagu sheegay in Dowlada Mareykanku mar kale diiday inay dhaqaale ku bixiso howlgalka cusub ee AUSSOM.
Wakiilada Afrika waxay si gaar ah Mareykanka uga codsadeen inuu bixiyo 96 milyan oo deyn ah taasoo loo isticmaalay howlgalka hada waqtigiisu dhamaaday ee ATMIS si ay u sahlanaato in howlgalka cusub dhaqaale loogu helo.
Mareykanka ayaa hore sidan oo kale waxay shirkii Uganda kaga cadeeyeen inaysan wax dhaqaale ku bixineyn howlgalka nabad ilaalinta Soomaaliya.
Si kastaba warar ku dhaw dhaw Mareykanka sababta uu u diiday dhaqaale bixiinta inay tahay inuusan ku qanacsaneyn qaab dhismeedka howlgalka,iyagoona shuruur ku xirey inay dhaqaale ku bixiyaan taasoo ah in wax badan laga badalo nidaamka howlgalinta iyo midka maaliyadeed.
XAFIISKA WARARKA
DAYNIILE.COM
