BALADWEYNE (DAYNIILE.COM)-Wararka laga helaayo Magaalada Baladweyne ee Xarunta Gobolka Hiiraan ayaa sheegaya in caawa halkaasi lagu toogtay nin bistoolad ku hubeysnaa.
Sida ay sheegayaan saraakiisha ciidamada Dowlada ee Baladweyne ninkaani iyo mid kale oo la socday waxay doonayeen inay weerar fuliyaan oo dhibaato geystaan balse ay ka hor tageen.
Labada nin midkood oo bistoolad watay ayay saraakiishu sheegeen inay toogteen halka mid kalana uu ka baxsaday,falkaan ayaa ka dhacay jag boynti ciidamadu ku leeyihiin xaafada buundo weyn ee Magaalada Baladweyne.
Saraakiishu ma sii sharixin cida ay doonayeen inay dilaan ama weeraraan kaliya waxay warkooda ku soo koobeen inay hubeysnaayeen,sidoo kalana ay Alshabaab ka tirsanaayeen ayna midkood dileen.
XAFIISKA WARARKA
DAYNIILE.COM
