CADDALE (DAYNIILE.COM)- Wararka saaka laga helaayo Magaalo Xeebeedka Caddalle ee Gobolka Shabeelaha dhexe ayaa sheegaya in saaka degaan hoos taga Degmadaasi lagu dilay laba nin oo si weyn looga yaqaan Caddalle.
Tuulada Koogaar oo hoos tagta Degmada Caddalle ayaa lagu diley labada nin oo magacyadooda lagu kala sheegay Muxudiin Caraale Aw-cali iyo Macalin C/laahi Fanax.
Allaha ha u naxariistee Muxudiin Caraale Aw-cali waxaa la soo sheegayaa inuu ahaa shaqsiga iska leh ceelka Tuulada Koogaar,halka Macalin C/laahi Fanax isna la sheegay inuu ku howlanaa furista shirkada isgaarsiinta ee Tuuladaasi islamarkaana uu shalay soo gaaray tuuladaasi.
Meleeshiyaadka dilka geystay ayaa goobta ka baxsday walin wax wara kama soo bixin Hay’adaha amniga ee Degmada Caddalle iyo guud ahaan Maamulka Hirshabelle kaasoo looga hadlayo dilalkaani foosha xun.
dhawaan ayaa la sheegay in beesha raggaani laga dilay iyo kuwa dilay inay ku heshiiyeen dilal heshiis iyo in dilal hore ay diya ka kala qaataan balse hada waxaa muuqata in xiisad hore leh ay dhalin karto dilalkaani Rabi hakala qaboojiyee.
XAFIISKA WARARKA
DAYNIILE.COM
