BAYDHABA (DAYNIILE.COM)-Madaxweynaha Maamulka Koonfur Galbeed C/casiis Xasan Maxamed Laftagareen iyo Wafdi uu Hogaaminayo ayaa maanta dib ugu laabtay Magaalada Baydhabo ee Xarunta Gobolka Baay kadib markii uu Muqdisho uga qeybgalay shirkii wada-tashiga qaran.
Masuuliyiin ka tirsan Maamulka Koofur-galbeed oo uu hogaaminayay
ku simaha Gudoomiyaha Baarlamaanka ahna Gudoomiye ku xigeenka 1-aad Mudane Maxamed Nuur Maxamed Macalin ayaa ku soo dhaweeyay Lafta-gareen Magaalada Baydhaba.
Warar hoose ayaa sheegaya in ku laabashadiisa Baydhaba ay timid kadib markii lagu fashilmay xalinta khilaaf soo kala dhex galay Lafta-gareen iyo hogaanka sare ee Xisbiga Nabada iyo wada-jir ee Madaxweyne Xassan hogaamiyo.
Inkastoo wali uusan saxaafada arimihiisa kala hadlin hadana wararka qaar ayaa sheegaya inuu Xisbiga ka waayay xil sare uu reer ahaan uga rabay taasina ay keenatay in saacado badan loo fadhiyay sidii loogu qancin lahaa balse markii xalkii uu adkaaday ayuu isla maanta go’aansaday inuu Baydhaba isaga laabto.
XAFIISKA WARARKA
DAYNIILE.COM
DAYNIILE.COM
