Xildhibaan Maxamed Hasan Idiris kana mid ah gudiga sare ee dib u eegista dastuurka ayaa bartiisa Facebook soo dhigay qoraal uu ku sharaxayo sababtii keentay buuqii shalay kaliday in fadhiga baarlamaanka lagu kala tago.
Xildhibaanka qoraalkiisa ayaa sidan u qornaa:
Wax ka ogoow saldhigga Sharciyadeed ee doodaha hareereyey fadhigii Golaha Shacabka shalay buuqa dhaliyey.
waxaan rajeynayaa inaad qoraalka oo dhan wada akhrin doontid si aad adiga lafa-ahaantaada ugu go’aan qaadato qodobada aan soo qaadan doono oo dhamaantooda aan ka soo qaadan doono Dastuurka & Xeer-hoosaadka Golaha shacabka.
Waxaan u kala qaadeynaa sadex qaybood.
1- Qodobka dastuurka ee Gudoomiyaha u cuskadey xil waayidda Xildh. Abiib.
2- Qodobka Xildhibaanada doodda qaba ay cuskanayaan ee Dastuurka. 3- xeer hoosaadka sidiisaba waxa uu u taagan yahay.
Qod; 59aad, Faqradiisa 1aad , Xarafka D, waa sida ay xilalka kuwaayeen , Taliyihii hore ee NISA Mahad salad, Taliyaha hadda ee NISA Abdullahi mohamed Ali Sanbaloolshe, Agaasimaha Hay’adda socdaalka & Jinsiyadaha Mustaf Dhuxuloow Iyo sidoo kale Gudoomiyaha Golaha wakiilada KGS Amb. Ali Fiqi. Lifaaqa hoose fiiri) Waa habraaca ku cad Qodobkan 59aad Faqrooyinkiisa.
Sidoo kale Qodobka: 8aad ee Xeer hoosaadka Golaha Shacabka halkan ayaan ku lifaaqey wuxuu la mid yahay Qodobka 59aad sida uu qoraayo isla faqrooyinkiisa oo lagu sii kordhiyey ilaa 3 Faqro oo Faahfaahin dheeri ka sii bixinaaya. (fiiri lifaaqa)
2- Doodda xildh.Iyo saldhigga doodooda qodobadaba ay u cuskanayaan qodobka 9aad ee Xeer-hoosaadka oo lala akhriyey Qod: 70aad ee Dastuurka, qodobadaas ayagana halkan hoose ayaan ku lifaaqey , waxay ka hadlayaan Xasaanadda xildh. Xasaanadda waxaa laga hadlayaa marka aad xildh haysatid lakiin hadiiba aad dhex gashey Shuruudihii xil-ka aad ku wayn la ahayd oo ay ka mid yihiin wax yaabaha aan halkan hore ku soo hoga-tusaaleeyey, maba lihidba Xasaanad laga doodo.
Marka si kale loo dhigo Qodobna wuxuu ka hadlayaa “XIL WAAYIDDA” Qod; kalena wuxuu ka hadlayaa “ QOF XILKIISA HAYSTA “ ee lakiin dood ka qaba inaan la ilaalin xasaanadii xilkaasi uu ku heley” .
Maxaa la gudboon xildh. Doodda qaba? Waa inay mooshin ka keenaan qodobka 59aad ee Xil-waayidda Xildhimaanka, Qodobka si ooo bedelo waxay u baahan tahay 184 Xdh oo ah cod qarsoodi ah (Secret Ballot).
intaas Wixii dhaafsan waxay la mid tahay ayagoo Xildh mar hore xilkiisa waayey xil cusub oo aan doorashana soo gelin u raadinaaya!
