XIGASHO LAACIB.NET
Tababaraha kooxda Al-Nassr, Stefano Pioli, ayaa sharaxaad ka bixiyay sababta uu kabtankooda Cristiano Ronaldo uga maqnaa kulankii horyaalka Sacuudiga ee ay kooxdiisu la ciyaartay Al-Taawoun habeenkii Jimcaha.
Ronaldo ma uusan ciyaarin kulankii ay Al-Nassr barbaraha 1-1 ah la galeen Al-Taawoun garoonka Al-Awwal Park.
Goolasha waxaa kala dhaliyay Otávio oo u saftay Al-Nassr iyo R. Martínez oo u dhaliyay goolka Al-Taawoun, taasoo keentay in labada kooxood min hal dhibic helaan.
Ka dib ciyaarta, Stefano Pioli oo la hadlay saxaafadda ayaa yiri:
“Ronaldo wuu maqnaa sababtoo ah wuxuu la ildaran yahay hargab.”
Kooxda Al-Nassr waxay hadda ku jirtaa kaalinta 4-aad ee Saudi Pro League iyadoo leh 64 dhibcood kadib 32 kulan.
Knights of Najd ayaa durba fursad u weysay hanashada horyaalka xilli ciyaareedkan, iyadoo Al-Ittihad horay loogu caleemo saaray horyaalka.
Ciyaarta xigta ee Al-Nassr ayaa dhici doonta Arbacada, waxayna la ciyaari doonaan kooxda Al-Khaleej.
