Safiirka Dowladda Soomaaliya ee dalalka Tanzania iyo Rwanda Mudane Ilyaas Cali Xasan ayaa kulan soo dhaweyn iyo is xogwareysi ah la qaatay qaar kamid ah Soomaalida ku nool dalka Rwanda kuwaas oo isugu jira Ganacsato iyo Arday.
Safiir Ilyaas ayaa Jaaliyadda Soomaaliyeed ee dalka Rwanda u sheegay inay heli doonaan dhamaan adeegyada ay u baahan yihiin kuwaas oo bixiso Safaaradda Soomaaliya wixii hadda ka dambeeya.
Amb. Ilyaas Cali Xasan ayaa yiri “Rwanda wuxuu kamid yahay Wadamada Passport-ka Soomaaliga ah aan haba yaraatee wax Visa ah looga baahneen muwaadiniinta Soomaaliyeed, sidoo kalee ay ka heli karaan fursadaha Waxbarashada aan xoojin doono sidii ay u heli lahaayeen qiimo dhimis lamid ah midka ay helaan ardeyda kale ee ka imaadaan wadamada katirsan Urur Gobaleedka Iskaashiga Dhaqaalaha Bariga Afrika (EAC)”.
