LAAMUU (DAYNIILE.COM)-Wararka laga helaayo Magaalo xeebeedka Lamu ee Kenya ayaa sheegaya in kooxda Alshabaab ay duleedka Magaaladaasi ku dileen qaar ka tirsan saraakiisha Booliiska Kenya kadib dagaal labada dhinac dhexmaray.
Kooxda Alshabaab ayaa la soo sheegayaa inay jidka u galeen Kooxda howlgalka gaarka ah ee Booliiska kenya kuwaaso u xilsaaran la dagaalanka Alshabaab waxaana dhex-maray dagaal culus.
Inta la ogyahay waxaa dagaalka lagu dilay 5 ka mida saraakiisha Booliiska Kenya halka shan kalana la dhaawacay kuwaasoo la gaarsiiyay isbitaalada Magaalada Nairobi.
Wararka Laamuu laga helaayo ayaa sheegaya in ciidamadaan Booiiska Kenya ay ka war heleen in alshabaab ay duulaan ka soo qaadi rabaan keymaha Buuni sidaasna ay ugu ruqaansadeen inay ka hortagaan balse iyagaa ayaa jidka loo galay kadibna weerar aysan fileryn ayaa lagu qaaday kaasoo keenay khasaaraha soo gaaray.
Dhanka Alshabaab lama yaqaan khasaaraha gaaray madaama dagaalku yahay mid khasaarihiisa ay qeybsadaan labada dhinac ee markaasi dirirtu dhex marto.
XAFIISKA WARARKA
DAYNIILE.COM
