MUQDISHO (DAYNIILE.COM)-Shirkii Muqdisho shalay uga furmay siyaasiyiinta mucaaraka ayaa maanta galay maalintiisa labaad iyadoo inta badan siyaasiyiintu soo xaadireen maanta.Shirkaan oo ka socda Hotel Jaziira ayaa sida hore oo iclaamiyay beri la soo xiri doonaa markaasoo lagu wado inay warmurtiyeed laga soo saari doono insha Allaah.
Shirka maanta waxaa ku cusbaa oo lagu casuuma xubno ka mida ururada bulshada iyo Agaasimayaasha Warbaahinta madaxabanaan qaarkood kuwaasoo lagu wado inay wax badan kala socdaan ajandaha shirka.
“Waxaan maalinkii labaad ku guda jirnaa wadatashiyo aan la leenahay qaybaha kala duwan ee bulshada, Bahda warbaahinta ayaan iska waraysanay xaalka dalka iyo sida xal loogu heli karo ismaandhaafka siyaasadeed ee ku aaddan xiliga kala guurka” ayuu yiri C/raxmaan C/shukuur Warsame oo qoraalkaas yar soo dhigay barihiisa bulshada
Siyaasiyiintaan ayaa shalay cadeeyay in isu imaadkoodu yahay mid lagu bad -baadinaayo ama lagu samatabixinaayo dalka oo ku jira sida ay sheegeen xaalad hubinta la’aan ah xili ay cabsi badan ka qabaan in madaxweyne Xassan mudo kororsi ama doorasho dhinac u raran uu sameysto.
XAFIISKA WARARKA
DAYNIILE.COM
DAYNIILE.COM
