MUQDISHO (DAYNIILE.COM)-Waxaa Maanta baaqday shir ay u balansanaayeen Xildhibaanada Soomaaliya lamana oga sababta dhabta ah ah.
Golaha shacabka oo dhawaan galaya fasaxii ciida carafada ayaa lagu waday in maanta iyo maalmaha soo socda baarlamaanku yeesho kulamada ugu dambeeya ee asbuucaan.
Warar kala duwan ayaa ka soo baxaya sababta baaqashada ,wararka qaar ayaa sheegaya inay jirto cabsi gudoonku ka qabo in xildhibaanada mucaaradka mooshin kale keenaan.
Xiisada ka dhex taagan mudanayaasha Baarlamaanka ,gudoonka ilaa madaxtooyada ayaa keenay in maalmahaan kulamadii baarlamaanku noqdaan kuwo gaabis iyo baaqasho isugu darsoontay.
dhanka kala baaqashadaan waxay ku soo aadeysa xili laba maalin ka hor xildhibaano badan ay madaxweynaha hor dhigeen dhowr qodob oo ay isaga kaga dalbanayaan sida inuu miiska wadahadalka ku soo laabto,joojiyo duulaanka uu ku yahay maamulka Jubaland , eed ahayd inuu burburiyay golihii wada-tashiga ,ugu dambeyn xildhinaaadaasi ayaa madaxweynaha ka dalbday inuu si casilo hadii uusan qaadaneyn soo jeedintooda.
XAFIISKA WARARKA
DAYNIILE.COM
