Wasiirka Wasaaradda Batroolka iyo Macdanta XFS, Mudane Daahir Shirre Maxamad, iyo Wafdi uu hogaaminayo oo uu ka mid yahay Agaasimaha Guud ee Wasaaradda, Mudane Maxamad Xaashi Carabeey iyo Safiirka Soomaaliya u fadhiya dalka Turkiga Fathudin Cali ayaa si rasmi ah uga qeyb galay shirka Istanbul Natural Resources Summit, Kaas oo lagu qabtay magaalada Istanbul ee dalka Turkiga.
Wasiirka ayaa waxa uu ka qayb qaatay dood ku saabsan Doorka Isbeddelka Tamarta Macdanta, waxaana doodaan qeyb ka ahaa Wasiirada Macdanta Niger, Libya, Hungry, Azerbaijan iyo Saudi Arabia ayadoo uu dooda qaybinayay Wasiirka Tamarta ee dalka Turkiga Alparslan Bayraktar.
Shirkaan waxaa diiradda lagu saarayay sidii loo xoojin lahaa iskaashiga caalamiga ah ee ku aaddan Macdanta iyada oo lagu saleynayo baahida dunida ee tamarta nadiif ka ah iyo macdanta waarta.
Wasiirka Wasaaradda Batroolka iyo Macdanta XFS, Mudane Daahir Shire, ayaa madasha uga faa’iideystay fursad uu si qoto dheer ugala hadlo mas’uuliyiinta caalamka sidii loo xoojin lahaa iskaashiga ku aaddan horumarinta kheyraadka dabiiciga ah ee Soomaaliya.
