MUQDISHO (DAYNIILE.COM)-Dagaal siyaasadeeed oo aan waxba la isula harin ayaa ka dhex qarxay Gudoomiyaha Degmada Xamarweyne ee Magaalada Muqdisho iyo masuuliyiinta Maamulka Gobolka Banaadir kaasoo hada banaanka u soo baxay.
Khilaafkaan iyo dagaalkaan oo baraha bulshada ku dhexmaraya labada dhinac ayaa qarxay markii Gudoomiyaha Degmada Xamarweyne uu ku eeddeeyay madaxda maamulka Gobolka Banaadir in mashruuc laami dhisid ah oo Xamarweyne ay lahayd in loo weeciyay Degmada Kaaraan halka Maamulka Gobolka Banaadir-na sheegeen in mashruuca muqdisho oo dhan laga hirgelinayo balse la kala hor-mariyay oo kaliya.
Guddoomiyaha degmada Xamar Weyne wuxuu madaxda gobalka ku eedeyay Takoor, faquuqid, Cadaalad darro iyo in Mashruucii Bangiga Aduunka ee dhismaha waddooyinka degmada Xamar Weyne loo leexiyay Dayniile sida uu baraha bulshada ku soo qorey.
Hadalka Gudoomiyaha Xamarweyne waxaa markiiba ka jawaabay Guddoomiye Howlaha Guud ee Gobalka Banaadir kaasoo ku canaantay Gudoomiyaha Xamarweyne inuu ka laabto hadaladiisa islanmarkaan raali gelin ka bixiyo.
Masuulkaani Maamulka Gobolka Banaadir wuxuu u sheegay Gudoomiyaha Xamarweyne in mashruuca in Dayniile in laga bilaabo uu amreen Madaxda ka sareysa oo uu ula jeedo duqa Muqdisho.
Si kastaba Baraha bulshada ayaa loo soo dusiyay qoraalo ay guruubyada isku dhaafsadeen Gudoomiyaha Xamarweyne iyo gudoomiye ku xigeenka howlaha guud ee maamulka Gobolka Banaadir.
XAFIISKA WARARKA
DAYNIILE.COM
DAYNIILE.COM
