MUQDISHO (DAYNIILE.COM)-Waxaa Magaalada Muqdisho kulan ku wada qaatay Hoggaamiyaha Maamulka SSC-Khaatumo C/qaadir Axmed Aw-Cali (Firdhiye) iyo Taliyaha Ciidanka Xoogga Dalka Sareeye Guuto Odawaa Yuusuf Raage.
Labada Masuul waxay isla soo qaadeen xaalada Dalka ,dagaalada dalka ka socda ee ka dhanka ah kooxda Alshabaab iyo sidoo kale iskaashiga Maamulka iyo Taliska Ciidamada Xoogga.
Warar hoose ayaa sheegaya in Taliyaha iyo Hogaamiyaha si horu dhac ah uga hadleen sidii ciidamada kumaandooska Danab talis ay ku howlgalaan loogu sameyn lahaa Magaalada Laas-caanood ee Xarunta Maamulka SSC Khaatumo.
Qodobkaan ayaa ku soo aadaya xili dhamaan maamul Goboleedyda dalka ay ciidamo ka joogaan Dowlada Faderaalka Soomaaliya kuwaasoo badankood ah ciidamada kumaandooska Danab oo Mareykanlu uu maal-gelin iyo tababar-ba u sameeyay.
Kulankaan Hogaamiye Firdhiye iyo Taliye Odowaa ayaa ku soo aadaya xili dhawaan uu Muqdisho soo gaaray hogaamiyaha si uu uga qeybgalo shirka wada-tashiga qaran ee u dhexeeya Dowlada iyo Maamul Goboleedyada.
XAFIISKA WARARKAÂ
DAYNIILE.COM
DAYNIILE.COM
