MUQDISHO (DAYNIILE.COM)-Xiririka Soomaaliyeed ee kubada cagta Soomaaliya iyo Wasaarada iyaaraha Somalia waxay ku jiraan diyaar garowgii ugu dambeeyay ee lagu soo dhaweynayo wafdi ka socda FIFA iyo CAF.
Wafdigaan ayaa Muqdisho imaanaya 27-ka bishaan, waxaana ku jira wafdigaan ciyaaryahano Afrikaan ah oo caan ka ah dunida sida Samuel Eto’o, Emmanuel Adebayor, Jay-Jay Okocha.
Ujeedka Wafdigaani ay FIFA iyo CAF u soo direen ayaa ah qiimeynta kubada cagta Soomaaliya iyo garoomada lagu ciyaaro,sidoo kale amniga sida uu yahay inta ciyaaruhu socdaan.
Sababta qiimeynta arimahaan waxay ka dambeysa kadib markii Somalia dalbatay in hada kadib xulka kubada cagta Somali ciyaaraha uu leeyahay lagu dheelo Muqdisho halka tan iyo burburkii Dowladii kacaanka xulkeenu ku ciyaaro dalalka afrika ee dariska ah sida Jabuuti sababo amni darteed.
Diyaar garowga xiririka kubada Cagta waxaa ka mid ah dayactir iyo qurxin ka socota garoonka Satidum Muqdisho oo aad loo sii qurxinayo gudaha iyo banaanka intaba.
“Waxaan Har Iyo Habeen Ka Shaqeynaynaa Sidaan Ku Horumarin Lahayn Guud Ahaan Kubadda Cagta Dalka Soomaaliya, Kadib Markii uu maanta Booqday Garoonka Tuulada Ciyaaraha Dalka Ee Stadium Mogadisho” ayuu yiri Cali Cabdi Shiine oo ah Madaxweynaha Xiriirka Soomaaliyeed ee Kubadda Cagta
Guud ahaan bulshada Somaliyeed ,ciyaartoyda iyo xiirka kubada cagta waxaa looga fadhiyaa inay dunida tusaan in Muqdisho amni tahay wixii hada ka dambeeyana aan dalalka martida noo ah ku marti gelin karno dalkeena amni ahaan .
Waxaa jiri doona kulamo halyeeyada kubada cagta Afrika ay Muqdisho Stadium ku ciyaari doonaan si ay u qiimeeyaan amniga caasimada Somalia.
XAFIISKA WARARKA
DAYNIILE.COM
